RedeGaita presenta en Compostela Galician Music Show. Raíces Galegas

O espectáculo poderá verse a partir do luns e durante todo o mes de agosto. Unha montaxe de 60 minutos na que participan gaiteiros das mellores bandas de Galicia

consellodacultura.org_ RedeGaita presenta en Compostela Galician Music Show. Raíces Galegas
consellodacultura.org

 

O Centro Cultural da Fundación Novacaixagalicia en Santiago de Compostela acollerá a partir do vindeiro luns 5 de agosto o espectáculo Galician Music Show. Raíces Galegas, unha montaxe musical de 60 minutos de duración na que participan unha selección de gaiteiros das mellores bandas de Galicia e na que se combinan actuacións en directo cunha proxección audiovisual.

Raíces Galegas está dirixido por Jhonathan Ferreira, promotor do proxecto RedeGaita e un dos directores musicais máis recoñecidos no ámbito deste instrumento en Galicia, e con el preténdese dar a coñecer a esencia do folclore de Galicia «coa recreación en escena da realidade máis auténtica do noso país. Un típico día de festa que se podería vivir en calquera pobo». Desde unha «alborada» interpretada por un cuarteto tradicional ata unha «noite de troula», o espectáculo fai un percorrido polas distintas horas do que é o “día grande” dunha festa e achega o espectador aos sons da «liturxia», a «procesión», a «sobremesa», a «foliada» ou o «pasarrúas».

TurismoSantiago_Gaita__300 RedeGaita presenta en Compostela Galician Music Show. Raíces Galegas
Gaita. TurismoSantiago

Cun marcado compoñente didáctico, o de presentar as liñas mestras da música tradicional de Galicia nas súas festas populares, o espectáculo diríxese especialmente a todos aqueles que visitan o noso país, para que poidan coñecer os sons esenciais e tamén achegarse ao seu significado no contexto das celebracións populares, pero «pode ser igualmente gozado polos propios galegos».

RedeGaita interpreta as pezas que se presentan no espectáculo, que conta tamén coa colaboración na dirección de Javier Correa e Lucía Pérez, e no que os asistentes poderán escoitar interpretacións solistas, un cuarteto e un quinteto tradicionais, un trío de pandereteiras ou dous dúos de gaita e percusión. Todos en conxunto conformarán a gran festa do Galician Music Show. Raíces Galegas.

As actuacións desenvolveranse no Centro Cultural da Fundación Novacaixagalicia, Rúa do Vilar, 19, durante todo o mes de agosto, os luns e os venres e en dúas sesións, ás 17.00 h e ás 19.00 h.

NovaCaixaGalicia_300 RedeGaita presenta en Compostela Galician Music Show. Raíces Galegas
NovaCaixaGalicia

A Fundación Novacaixagalicia, entidade herdeira da obra social e cultural das caixas de aforros, ten entre os seus obxectivos fundacionais o fortalecemento do tecido social galego, o fomento do emprego e a difusión da cultura nas súas múltiples facetas e manifestacións. Logo de se adaptar ao actual contexto socioeconómico que a situou perante novos sistemas de xestión, a entidade continúa a traballar a prol dos seus propósitos fundacionais e primixenios, porque segue a ser consciente de que o fortalecemento do sector social e cultural é fundamental para o avance de Galicia.

www.obrasocialncg.com.

Manuel López
Fallece en diciembre de 2014, siendo editor adjunto de Periodistas en Español. Periodista, fotógrafo, profesor y consultor de medios. En la profesión desde 1966. Perteneció a las redacciones de 'Gaceta ilustrada', 'Cuadernos para el Diálogo", 'El Periódico" y 'Tiempo'. En 1982 funda FOTO, revista que edita y dirige hasta 2009 (287 números). Fue vocal por el sector de la Fotografía en la Comisión Redactora del Anteproyecto de Ley de Propiedad Intelectual de 1987. Profesor de Fotografía de la Universidad Nebrija (1997-2001). Desde 2000, vinculado a la Escuela Superior de Publicidad. Autor de 'Fotografía Creativa', guía didáctica de un curso en una plataforma 2.0 (282 págs., Maren, Madrid, 2010). Su exposición fotográfica antológica 'Manuel López 1966-2006' va camino de 40 itinerancias por España y América.

Deja un comentario

Este sitio usa Akismet para reducir el spam. Aprende cómo se procesan los datos de tus comentarios.