‘O poder da palabra’ é una mostra dos 40 anos do Parlamento de Galicia.1981-2021. Do último 15 de decembro ao vindeiro 15 de marzo pódese visitar no Parlamento, no Pazo do Hórreo.
A exposición está integrada por 24 paneis, un vídeo divulgativo e 17 vitrinas con documentación histórica e bibliografía relacionada co proceso de configuración da autonomía de Galicia.
O poder da palabra repasa os feitos máis salientables das catro décadas de vida do lexislativo galego, desde a súa constitución, o 19 de decembro de 1981 no Pazo de Xelmírez, ata a actualidade.
O Parlamento de Galicia tiña poucos precedentes. É a primeira vez que se institucionaliza o desexo de ter autogoberno. Hai décadas o 15 de novembro de 1944 se constituíu en Montevideo o Consello de Galicia como depositario da lexitimidade histórica deturpada pola ditadura e arelando un horizonte de democracia e autonomía para Galicia.
Esta mostra é comisariada polo o catedrático de Historia Contemporánea da Universidade de Santiago de Compostela, Ramón Villares.
O comisario da mostra contou coa colaboración de Miguel Anxo Seixas Seoane e Gustavo Hervella García, integrantes do Grupo Histagra (Historia Agraria e Política do Mundo Rural, séculos XIX é XX); mentres que o deseño gráfico correu a cargo de Xosé Díaz Arias.
«Moita imaxe e pouco texto», declara Villares. «É unha ollada nova para os rapaces, que coñecen as polémicas polas redes sociais, pero hai que contarlles que hai outro mundo, que o parlamentarismo existe e que as democracias baseanse no debate».
A Galicia actual está en débeda co legado de Castelao, González López ou Madariaga, no exilio exterior; de Ramón Piñeiro, Otero Pedrayo, no exilio interior; de personalidades como Filgueira Valverde, que traballaron desde as institucións ao servizo de Galicia; en suma, da totalidade das galegos e galegas que sobrelevaron con dignidade a longa noite de pedra que rematou con éxito na alborada democrática que deu paso á Constitución e ao Estatuto de Autonomía que sosteñen o autogoberno de Galicia.
A exposición será complementada cun libro no que académicos das universidades galegas abordarán, desde unha óptica plural, as catro décadas de autonomía galega.
Seu horario de luns a venres de 9:00 a 14:00 e de 16:00 a 18:00 horas. Sen cita previa.
